Хүн төрөлхтөн бүхий л Орчлонгоос хэчнээн их хайр, дэмжлэг хүлээн авч байдгаа мэддэг сэн бол хэзээ ч ганцаардсан, хайрлагдаагүй мэт санагдахгүй байх байсан.

Одоо Украин (Урейн) улсаас Иванагийн илгээсэн украин (урейн) хэл дээрх сэтгэлийн үгийг олон хэлний хадмал орчуулгатайгаар хүргэе:

Хүндэт Хамгаас Хайрт Их Багш болон Суприм Мастер ТВ-ийн элэгсэг үзэгчид ээ, Их Багш маань 2026 оны 1-р сарын 1, 2026 оны 1-р сарын 3-нд дарсан саяхны Сарны Адислалт зургуудыг би үзсэн юм. Би өнөөдөр (1-р сарын 11-нд) саяхан Сарны зураг авснаа гэнэт санаж, огноог нь шалгахад яг адилхан өдрүүд байлаа!

2026 оны 1 дүгээр сарын 3-ны Сар онцгойлон Хайр дүүрэн, Өгөөмөр байсан! Би шөнө Арьяабалын бясалгалаа хийж байхдаа, урд талд завилан суусан хөл дээр минь гайхамшигтай тод гэрэл тусаж байгааг анзаарсан. Энд Украин (Урейн)-д шөнийн цагаар хөл хориотой байдаг, мөн маш орой болсон, ойр хавьд машин ч байгаагүй юм. Тиймээс харанхуйд гэрэлтэй, тод гэрэл хараад би ихэд гайхсан! Би хаанаас гарч байгааг нь харахаар ажиглатал энэ нь Үзэсгэлэнт Саран байсан! Харин өрөөнд минь тэр гэрэл зөвхөн миний бясалгаж байсан хэсэг дээр л тусаж байв. Сар маань Өөрийн гэрлээ манай дэлхийд болон миний бясалгалын орон зайд тусган энэрэл үзүүлсэнд би маш их баярласан.

Ийм зүйл надад урьд нь хэзээ ч тохиолдож байгаагүй тул Сарныхаа өгөөмөр сэтгэлээр үнэхээр ивээгдсэн мэт санагдсан. Сартай байгаа бид ямар их аз ерөөлтэй вэ... Багш маань Сарны гоо үзэсгэлэн, эрч хүчийг харуулсан гэрэл зургуудаа бидэнд үзүүлсэнд би маш их баярлаж байна! Эдгээр шөнүүдийн Сарны зарим зургийг бас хуваалцъя гэж бодлоо...

Их Багшийн болон Эргэн Нэгдсэн Хамгийн Хүчирхэг Гуравын бүх Оршихуйд зориулсан Мөнхийн Хязгааргүй Өршөөл, Хайранд баярлалаа... Суприм Мастер ТВ-ийн хамт олон болон Үзэсгэлэнт Дэлхийг маань дэвшүүлэхэд оролцож буй бүх хүнд баярлалаа. Украин (Урейн)-аас Иванна

Баяр хөөртэй Иванна, Чин сэтгэлийн захидал болон Сарны сайхан зурагт тань баярлалаа. Их Багш танд эелдэг захиас илгээлээ:

“Баясгалантай Иванна, Сарны сүр жавхлант гоо үзэсгэлэнг буулгасан зургуудаа бидэнтэй хуваалцсанд баярлалаа. Бид үнэндээ эрхэм Сарнаасаа олон гайхамшигт хэлбэрээр адис ивээл хүртдэг. Гэрэлт найз минь шөнийн харанхуйд ч Гэрэл үргэлж байдаг гэдгийг бидэнд сануулдаг билээ. Тэнгэрийн бүх эрхэс биднийг асар ихээр ивээдэг. Хүн төрөлхтөн бүхий л Орчлонгоос хэчнээн их хайр, дэмжлэг хүлээн авч байдгаа мэддэг сэн бол хэзээ ч ганцаардсан, хайрлагдаагүй мэт санагдахгүй байх байсан. Хүмүүс үүнийг ойлгож, өөрсдөө мэдэрч үзээсэй гэж би хүсдэг. Бид Суприм Мастер Телевизээр амьдралын олон гайхамшгийг толилуулсаар байх болно, тэгээд удалгүй олон хүн бүх амьдралын Тэнгэрлэг байдлын жинхэнэ мөн чанарыг ойлгоно гэж найдаж байна. Та болон Украин (Урейн)-ы зоригт ард түмэн Бүхнийг Чадагч Бурханы энгүй их Хайр, Хамгаалалд мөнхөд амьдрах болтугай. Танд ариун Хайрын тэврэлт илгээе!”