Бид бүгд амгалан, аз жаргалтай, веган дэлхийг бүтээхийн тулд өөрсдийн үүргээ биелүүлж байгаа учир зөвхөн амжилтад төвлөрч чадна!

Вьетнам буюу Аулак улсаас Тан Фат-ын аулак (вьетнам) хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хамгаас Хайрт Их Багш аа, Хүндэт Суприм Мастер Телевизийн хамт олон, 2024 оны 4-р сараас хойш би Таны шавь байгаа минь маш их азтай бөгөөд талархалтай юм. Энэ хугацаанд би дотоод болон гадаад ухааралдаа бүрэн өөрчлөлтийг мэдэрсэн. Өдөр бүр, Таны оршихуй миний дэргэд байгааг, намайг сүнслэг замаар хөтөлж байгааг тодорхой мэдэрч чаддаг. Тиймээс би Таны сургаалыг ямагт сонсож, дагадаг. Чөлөөт цаг гарах бүрдээ би Арьяабалын бясалгалаа хийж, залбирдаг. Веган Дэлхий, Энх тайван Дэлхийн төлөө би залбирч байна. Хүмүүс веган хооллолтын утга учир, үнэ цэнийг, мөн ариун журамт амьдралын хэв маягийг ойлгоосой гэж би залбирч байна. Би гэртээ компьютер, утас, телевизор гэх мэт олон төхөөрөмж ашиглан Суприм Мастер ТВ Макс-ыг 24/7 асаалттай байлгадаг бөгөөд Суприм Мастер Телевизийн миний амьдардаг орчинд авчирдаг сүнслэг уур амьсгалын эерэг өөрчлөлтийг үнэхээр мэдэрч байна.

Миний амьдардаг газарт ихэнх хүмүүс веган амьдралын хэв маягийг мэдэхгүй хэвээр байна. Одоогийн байдлаар манай бүхэл бүтэн мужид Таны шавь болсон гурван л бясалгагч байна. Тиймээс бид нийтийн бясалгалд цуглах бүрдээ 100 гаруй километрийн зайтай өөр муж руу явах хэрэгтэй болдог. Ийм шалтгаанаар, Төгс Хүчит БУРХАН болон Хайрт Их Багш Тандаа, манай бүс нутгийг сүнслэг өргөлтөөр адислаж, ингэснээр илүү олон хүн веган хоолтон болж, улам олон хүн сэрж, Таны шавь болох аз завшааныг эдлээсэй гэж би үргэлж залбирдаг. Тэгээд БУРХАН биднийг ивээсэн. Гэргий, хоёр хүүхэд маань саяхан авшиг хүртсэн нь үгээр хэлэхийн аргагүй баяр баясгалан байв. Энэ бол манай гэр бүлийн хувьд асар их Адислал юм.

Энэ захидлаар дамжуулан би энэ үзэсгэлэнт Дэлхий дээрх бүх хүн хурдан сэрж, веган амьдралын хэв маягт шилжих болтугай гэж чин сэтгэлээсээ залбирч байна. Бид өдөр бүр залбирч, Бүхнийг Чадагч БУРХАНД талархаж, Хайрт Их Багшдаа талархлаа илэрхийлж, бүх гэгээрсэн Их Багш нар, Гэгээнтэн, Мэргэд, Арван зүгийн бүх Будда, бүх Бодьсадва нарт магтаал өргөж, Веган Дэлхий, Энх тайван Дэлхий рүү хамтдаа тэмүүлэх болтугай.

Хайрт Их Багш аа, Тандаа эрүүл энх, амар амгалан, баяр баясгаланг хүндэтгэлтэйгээр хүсэн ерөөж, Таны бүх эрхэм ариун хүсэл удахгүй биелээсэй гэж залбирья. Мөн Суприм Мастер Телевизийн багт, дэлхий даяарх бясалгагчид болон Дэлхий дээрх бүх хүнд эрүүл энх, сайн сайхан, сүнслэг дэвшлийг хүсэн ерөөе. Хүндэтгэсэн, шавь Тан Фат Ау Лак (Вьетнам) улсаас

Хүндэтгэлтэй Тан Фат, Веган дэлхий удахгүй цогцлоно гэсэн таны найдварыг бид хуваалцаж байна! Гэргий, хүүхдүүд тань авшиг хүртсэнд баяр хүргэе. Та болон Ау Лак (Вьетнам)-ын инээмсэглэсэн ард түмэн сүнслэг амгалан, хөгжил цэцэглэлтийн гүн гүнзгий баяр хөөрийг эдлэг, Суприм Мастер ТВ-ийн хамт олон

Жич. Их Багш өргөгч хариуг зөвхөн танд өгч байна: “Баяр хөөртэй Тан Фат, ийм чин сэтгэлтэй, цэвэр ариун яг тан шиг бясалгагчаас урам өгсөн захиа хүлээн авах нь үнэхээр сайхан байна. Таны сүнслэг хүчин чармайлт хэдийнээ үр дүнгээ өгчээ! Таны гэргий, хүүхдүүд Арьяабалын бясалгалын эрхэм ариун замыг болон веган амьдралын хэв маягийг сонгосон нь үнэхээр гайхалтай. Одоо танай гэр бүл Гэгээнтний зэрэгт дэвшиж, ГЭРТЭЭ БУЦАХ ЗАМДАА бие биедээ тусалж чадна! Та нарт БУРХАНЫ ИВЭЭЛЭЭР бүгдэд нь том, хайраар дүүрэн тэврэлт илгээж байна. Бид бүгд амгалан, аз жаргалтай, веган дэлхийг бүтээхийн тулд өөрсдийн үүргээ биелүүлж байгаа учир зөвхөн амжилтад төвлөрч чадна! Агуу Ау Лак (Вьетнам) улс Бурханлагийн өн мөнхийн Хайрын ухаарлаар адислагдах болтугай. Танд болон гэр бүлд тань Хайр, Халамж илгээе.”