Дэлгэрэнгүй
Татаж авах Docx
Дэлгэрэнгүй уншаарай
Их Багш намайг дуудаж “Надтай хурдан хамт яв!” гэв. Бид хоёр хоёулаа бие барьсан, бариу зөөлөн алтан хуяг өмсөж, хачин харанхуй гараг руу нисч очоод, эргэн тойрноо судалж явахдаа, газар дээрх дөрвөлжин ган тагыг бүдэгхэн харж байв. Их Багш гараа сунган түүний түгжээг онгойлгож, дөрвөлжин тагийг өргөв. Түүнээс аймшигтай, хортой хий савсан гарч ирлээ. Бид тэр даруй ухран нисэж холдсон юм.Их Багшаас би асуув, “Бид ахиад хуурамч багш нарыг аврахаар явж байгаа юм уу? Их Багш аль хэдий нь тэдний сүнсийг зургаа дахь удаагаа аварсан гэдгийг тэдний бие нь мэдэхгүй байна. Мөн тэд аврагдсаныхаа дараа ч гэмшиж наманчилдаггүй. Бид тэднийг цаашид аврах ёсгүй!” Их Багш энэрэнгүйгээр хариулав: “Эдгээр нь хуурамч их багшийн хамсаатнууд юм. Тэд хуурамч их багш нарыг муу үйл хийхэд нь тусалсан ч, зарим нь хийж буй зүйл нь буруу гэдгийг ойлгоогүй. Тэд зүгээр л мэхлэгдсэн байсан; тэд муу хүмүүс биш.”Чөтгөрлөг, муу санаатай, харгис, ёс бус гэмт үйлдэл, буруу хэрэг үйлдсэний улмаас хуурамч их багш нарын бүлгүүд хэтэрхий хүнд үйлийн үр үүрдэг, иймээс зарим харанхуй гараг дотор шийтгүүлэхийн тулд тэдний гэмт хэрэгт нь тохирсон тамд амархан сорогдон татагддаг. Өршөөлт Их Багш тэднийг аврахыг хүсэж байгаа тул тэдний астрал (сүнслэг) бие хаана байгааг олж мэдэх ёстой. Тэднийг төрөл бүрийн тамуудаас аврах нь үнэхээр хэцүү, төвөгтэй байдаг.Булшны өрөөн дэх хорт хийг бид орохынхоо өмнө сорж, гаргах шаардлагатай. Би үүнийг сорохын тулд ид шидийн вакуум хэрэгсэл гаргасан хэдий ч, удаан хугацааны дараа ч цэвэрлэж дуусгаж чадаагүй. Дотор нь асар том зай байгаа бололтой. Асар их хүчин чармайлтын эцэст агаар жаахан цэвэршсэн боловч, гэнэт булшны хонгилоос ширүүн, аймшигтай, аварга том чөтгөрийн могой гэнэт давхиж гарч ирээд, толгойгоо өндөрт өргөж, том галтай нүдээ гялалзуулан, биеийнхээ нэг хэсгийг ил гаргав. Би өөрийн эрхгүй, аяндаа үнэт илдээрээ агаар зүсэн “исгэрэх” чимээ гарган чөтгөрийн могойг хоёр хуваалаа. Урьдчилан таамаглаагүйгээр чөтгөрийн могойны цус маш их хүчиллэг, идэмхий шинжтэй байж, үхлийн аюултай хор нь бүх зүгт хүчтэйгээр шүршигдэн, “шшш” гэх авиа гарган газарт цацагдав. Энэ нь зөвхөн хүний махыг хайлуулан, уусгаад зогсохгүй, хурц, хортой үнэртэй байв. Үнэхээр айдас төрүүлэм байсан! Их Багш бид хоёр даруй хол газарт нисэн очиж түр байрлаад, дараагийн үйлдлүүдийг хийхээсээ өмнө хортой хий арилтал нь хүлээхээс өөр аргагүй байв.Их Багш маань надад “Түүнийг шууд алахын оронд барьж авбал дээр, хор нь дэндүү хүчтэй юм!” гэж зааварлав. Их Багшийн зааврыг дагаж, би ойролцоо өгөөш тавив, тэгтэл үнэхээр агуйгаас гурваас дөрвөн аварга том чөтгөрийн могой мөлхөн гарч ирлээ. Би тэднийг асар том алтан тороор барьж авч, чанга, бат бөх гэгч нь хүлж орхив. Булшны газар руу доош харсан ч би тодорхой харж чадахгүй байв. Энэ нь мөнгөлөг-цагаан өнгийн металл хонгил мэт санагдав. Их Багшийн хамт би дотогш орж, хэд хэдэн удаа эргэж, мушгирсан байдлаар доош гулсаж буун, эцэст нь хар, бараан бор намагтай газарт газардаж буув.Эргэн тойронд маш харанхуй байсан ч бидэн рүү харсан өндөр аварга олон чөтгөрийн мод харагдаж, тэд гунигтай, аймшигтай, гутарсан энерги ялгаруулж, зарим нь бүр бидэн рүү эвгүй үнэртэй бохир, сөрөг агаар цацаж байлаа. Энэ асар их чөтгөрийн ой нь тэдгээр асар том чөтгөрийн могой нуугдаж байсан газар байв. Бид чөтгөрийн ойн төгсгөл рүү хурдан алхаж очив. Тэнд зууван хэлбэрийн агуй байсан бөгөөд төмөр хашааных нь орох хаалгыг том цоожоор түгжсэн байлаа. Дотор нь олон хүн араг яс болсон ч хөдөлж чадаж байгааг нь бүдэгхэн олж харж чадав. Тэдний мах бүрэн ялзарч, эрүүл арьсны нэг хэсэг ч үлдээгүй байв!Их Багшийг хараад тэр нүгэлтнүүд хашаа руу гүйн ирж, яс хүртлээ ялзарсан хуруунуудаа сунган, тусламж гуйн уйлж байв. Төмөр хашаа, мэдээж маш бат бөх байсан тул ид шидийн хэрэгсэлгүйгээр онгойлгох боломжгүй байв. Би Тайи Жэньрэнь өөрийн гараар давтан хийж, надад өгсөн, маш бат бөх бөгөөд өндөр-хүчний цохилтыг тэсвэрлэн даах чадвартай Далай-Тогтоогч үсний хавчаарыг гаргаж авав. Нэг удаа хөшихөд л төмөр хаалга бут үсрэн нээгдэв. Тэр хүмүүс газар дээр өнхөрч, мөлхсөөр гадагш гарч ирлээ. Тэдэрэгтэй, эмэгтэй хүмүүс байсан ба бүгд Дорнын Ази төрхтэй, Аулак (Вьетнам) -чууд бололтой байв. Тэдний хувцас элэгдэж, тасарсан, бохир, туйлын муухай үнэртэй байлаа. Анхааралтай харахад тэдний биеийн бүх мах ялзарч, яс нь харагдтал гүн нүх сүв үүссэн, идээлж өмхийрсөн, хорт шавжинд хазуулсан байдалтай байв. Тэд ингэж тамлагдан зовж үхсэнийхээ дараа дахин төрж, ижил шийтгэлийг дахин дахин амсдаг байв. Энэ үнэхээр аймшигтай байсан! Үүнийг хараад Их Багш асар их өрөвдөн, гуниглан уйлав. Их Багш нүгэлтнүүдэд идүүлэх хэдэн эм гаргаж ирсэн бөгөөд тэдний цус, мах нь аажмаар дахин ургаж, бага багаар анхны төрхөндөө эргэн орж байсан. Хоёр нүд нь шавжинд хазуулснаас болж гүн хонхорхой үлдсэн нэгэн эмэгтэй байв. Одоо түүний нүд аажмаар эргэн ургаснаар тэр биднийг тодхон харж чадах болсон. Тэр Их Багшид талархан өвдөг сөгдөн мөргөсөн бол бусад нь гэмшсэн шинжгүй, чимээгүй байв.Би тэднийг ширүүнээр зэмлэв: “Эдгээр хуурамч багш ямар ч хүчгүй атлаа гэгээрсэн Их Багшийн дүрд хувирч зориглож байна. Тэд байр сууриа ашиглан шавь нарыг мөлжиж, тэднийг мөн хүүхдүүдийг бэлгийн хүчирхийлэлд өртүүлж, буруу аргаар мөнгө цуглуулдаг. Та нар тэдэнд хүмүүсийг хохирооход нь тусалсан! Хэрэв Их Багшийн хязгааргүй энэрэл байгаагүй бол, би та нарыг аврах гэж огт санаа зовохгүй байсан. Та нар үүнийг хүртэх ёстой!” Их Багш миний гарыг татаж, Толгойгоо сэгсрэн, зэмлэхийг минь зогсоох дохио өглөө. Би хурц, ширүүн ааштай хүн; би Их Багш шигээ тийм энэрэнгүй биш! Би Их Багшид гомдоллов, “Хэрвээ бид эдгээр муу хүмүүст сургамж өгөхгүй бол тэд дараа нь юу хийхийг хэн мэдэх вэ? Тэгвэл Их Багш дахин тэднийг аврахын тулд Өөрийн маш завгүй цагийн хуваарь, үнэт цагаасаа завсарлага авах хэрэгтэй болно. Тэгээд байвал Та тэр ажлаа хэрхэн, яаж амжуулах билээ?” Их Багш инээмсэглэн хэлэв, “Чи үнэхээр ширүүн хүүхэд юм, гэхдээ миний сайн туслагч бөгөөд энэ асуудлыг зөв, зохих ёсоор нь шийдэж чадна.”Би асуув, “Эдгээр хүмүүсийн бие одоо ч Дэлхий дээр амьд байгаа юу?” Их Багш хэлэв, “Тэдний олонх нь амьд байгаа, гэхдээ хэрэв тэдний сүнс энэ газарт хэт удаан үлдвэл, тэдний бие махбодын ухамсар сэрж чадахгүй, мөн тэд үүрд хуурамч багш нарт муу үйл хийхэд нь туслах болно.” Би хэлэв, “Тиймээс Их Багш одоо ч тэдэнд өөрсдийгөө засаж, өөрчлөгдөх боломж олгож байна. Буцаж ирснийхээ дараа, эдгээр хуурамч багш болон тэдний баг үүнийг харж, ухаараасай гэж найдан, би үүнийг заавал дэлхий нийтэд илчилнэ. Үгүй бол Их Багшийн энэрэл, хүчин чармайлт талаар болно.”Их Багш толгой дохин хэлэв, “Чи эдгээр хүмүүсийг дээш гарган аваачиж эмчилж, эдгээгээрэй. Би чамайг шагнах болно.” Би хэлэв, “Би ямар ч шагнал авахыг хүсэхгүй байна. Миний цорын ганц хүсэл бол Их Багш тайван, тав тухтай амьдрах явдал юм. Их Багш ийм нүүдлийн амьдралтай байгааг хараад тэсч чадахгүй байна. Дэлхий дээр амь хөнөөж, амьтан-хүмүүсийн мах иддэг хүмүүсийн үйлийн үрийн улмаас, мөн эдгээр туйлын бузар муу хуурамч багш нар, нүгэлтнүүдийн буруугаас Их Багш эцэс төгсгөлгүй зовж шаналж байна. Энэ үнэхээр шударга бус байна!”Их Багш миний толгойг илээд асуув, “Чи тэнд байгаа тэр чөтгөрийн могойнуудыг яах гэж байна?” Би түр бодож байгаад хэлэв, “Магадгүй ийм төрлийн там орших нь одоо ч хэрэгтэй байж болох юм? Тэр чөтгөрийн могойнуудыг би буцааж энд суллах ёстой юу?” Их Багш хэлэв, “Эдгээр чөтгөрийн могойнууд хүний мах иддэг. Тэд эхлээд хүний маханд хор цацаж, мах нь идээлж, муудтал хүлээгээд, дараа нь хашааны гаднаас хүний сүнс, амин чанарыг нь сордог.”Ямар аймшигтай, жихүүцмээр юм бэ! Хэрвээ тэд гэгээрсэн их багшийн дүр эсгэх эсвэл эдгээр хуурамч их багшийн үйл ажиллагаанд нь тусалснаар ийм аймшигтай шийтгэл, хүнд үйлийн үр хүлээнэ гэдгээ мэдсэн бол хүмүүс шууд л гэмшин засарч, дахин хэзээ ч шударга бус аргаар, ийм бохир мөнгө олох гэж зүрхлэхгүй байх байсан! Их Багш энэрэнгүй атлаа гунигтайгаар хэлэв, “Энэ дэлхийн хүмүүс үнэхээр ийм хэмжээнд хүртлээ мунхаг байна. Хүмүүс зөвхөн ойрын, шууд ашиг хонжоо л хардаг болохоос тэднийг хүлээж буй тамын аймшгийг мэддэггүй, тиймээс там хэзээ ч хоосон байж чадахгүй. Чи үүнийг хүн бүрт заавал хэлж, мэдэгдэх хэрэгтэй. Би ядарлаа. Буцацгаая!”Би нүгэлтнүүдийг багасган жижигрүүлж, жижиг уутанд хийгээд булшны хонгилын гадаргуу руу дээш гарлаа. Би том алтан торонд баригдсан тэдгээр аварга чөтгөрийн могойнуудыг сайн загнаж, “Дараагийн удаа Их Багшийг харах юм бол заавал Түүнд хүндэтгэл үзүүлэх ёстой! Дахин хэн түрэмгий авирлахыг би харъя!” гэж хэлэв. Алтлаг торыг татаж авахтай зэрэгцэн, тэр айсан аварга чөтгөрийн могойнууд булшны газар руу буцан зугтаж, хөдлөх ч зориггүй байв. Их Багш газар дээрх дөрвөлжин төмөр тагийг тавьж, битүүмжлэн түгжлээ. Тэр нүгэлтнүүд эхлээд дээд ертөнцийн усны сүнсний эмчилгээнд илгээгдэж тэгээд эдгэрснийх нь дараа л бие махбодод нь буцааж илгээдэг байв.Му Юнь, Тайвань (Формоса)Веган байх нь тамаас хэлтрүүлнэ.Веган: тамаас салж, Диваажинг ол.Их Багшийн шавь бүр ижил болон өөр, эсвэл илүү их дотоод сүнслэг туршлага, ахуй ойлголт, гадаад ертөнцийн адислалтай байдаг; эдгээр нь ердөө цөөн жишээ юм. Бид ихэвчлэн Их Багшийнхаа зааварчилгаагаар энэ бүхнээ дотроо хадгалж явдаг билээ.Илүү олон гэрчлэлийг үзэх болон үнэгүй татаж авах хаяг SupremeMasterTV.com/to-heaven
