Энэ дэлхийн хүнд үйлийн үрийг ариусгах хэрэгтэй бөгөөд хэрэв хүн бүр өөрсдийн төхөөрөмж дээрээ хэдхэн товчлуур дараад л, тэдгээрийг асаалттай байлгаснаар энэ үйл явцад хувь нэмрээ оруулбал, бид дэлхий гараг даяараа бодит ахиц дэвшил гаргаж чадна.

Францаас Карол-ийн франц хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм, гүнээ Хайрладаг Их Багшдаа болон Суприм Мастер Телевизийн эрхэм нандин нийт хамт олонд, Дэлхий дээр Суприм Мастер ТВ Макс болон Хамгийн Хүчирхэг Өдөр Тутмын Залбирал гарснаас хойш миний амьдрал маш гүн гүнзгий өөрчлөгдсөн. Өдөр бүр намайг дагалдан, надтай хамт байдаг энэхүү Нигүүлсэлд би хязгааргүй их талархдаг. Хамгийн Хүчирхэг Өдөр Тутмын Залбирал миний оюун бодлыг ариусгаж, дотоодод минь гүн амар амгаланг авчирдаг бөгөөд амьдралын сорилтуудад тайван, сэтгэлээ үл үймүүлэхэд минь тусалдаг.

Гадуур гарахдаа Хамгийн Хүчирхэг Өдөр Тутмын Залбиралтай MP3 тоглуулагчаа авч явах нь надад хүчтэй хамгаалагдаж байгаа мэт мэдрэмж төрүүлдэг. Үйлийн үр өмнөх шигээ хүнд, дийлдэшгүй санагдахаа больсон. Би хаашаа ч явсан, эргэн тойрныхоо газруудад сайхан, эерэг энергийг мэдэрдэг. Хүмүүс над руу аяндаа хүрч ирж, ичих зовох, тээнэгэлзэх зүйлгүйгээр яриа маань чөлөөтэй өрнөдөг. Хүмүүсийн хооронд чин сэтгэлийн, жинхэнэ холбоо аяндаа үүсэж байгаа мэт санагддаг. Намайг дэлгүүрт ороход эерэг энерги худалдан авагчид, үйлчлүүлэгчдийг аяндаа татдаг. Мөн би хаана ч очсон, сүнснүүдийн сүнслэгээр дээш өргөгдөх үйл явц үргэлжилсээр байдаг.

Шөнө Хамгийн Хүчирхэг Өдөр Тутмын Залбирал болон Суприм Мастер Телевиз Максыг асаалттай байлгаж бясалгахад, биеэс минь олон мянган хар толбо агаарт хөвөн замхран одохын хэрээр эд эс минь цэвэршин, ариусаж байгааг би хардаг. Заримдаа бүр миний биеийн дотор нуугдаж буй маяа-хүмүүс, шулам болон сүнснүүд хүчтэй, эрчимтэй Гэрлийн нөлөөгөөр түлхэгдэн холдож, эцэст нь газарт унан, ойчих хүртлээ арагш шидэгддэг.

Одоо оюун санаа минь улам амар амгалан болж, эсүүд минь улам бүр ариуссан. Би хэн нэгэнтэй уулзахдаа надтай ярьж байгаа нь тухайн хүн өөрөө юу, эсвэл түүний биед оршиж буй маяа юу гэдгийг ялгаж чаддаг. Би бас Бурхадтай илүү ойр болсноо мэдэрдэг. Энэ бүхэн БУРХАН, Тим Ко Тү, болон БУРХАНЫ Хүү хэмээх Цаглашгүй Хүчирхэг Нэгдсэн Гурав-ын Тэнгэрлэг Хамгаалалтын ач юм. Энэ Гарагийн бүх амьд оршнолын төлөө Таны хийж буй бүхэнд би чин сэтгэлийн угаас талархъя. Танд, мөн Суприм Мастер Телевизийн нийт багийнханд эрүүл энх, олон ялалт амжилт, амар амгаланг хүсэн ерөөе. Францаас Карол

Өгөөмөр сэтгэлтэй Карол, Суприм Мастер ТВ Макс болон Хамгийн Хүчирхэг Өдөр Тутмын Залбирлыг ашигласнаар олж авсан гайхалтай туршлагуудаа хуваалцсанд баярлалаа. Та болон үзэсгэлэнт Франц орон Тэнгэрлэг Хайр, Хамгааллаар мөнхөд ивээгдэх болтугай. Суприм Мастер ТВ-ийн хамт олон

Жич: Их Багш танд халамжит захиасыг хүргэж байна: “Сэрж ухаарсан Карол, хаана ч явсан өдөр бүр Суприм Мастер ТВ Макс болон Хамгийн Хүчирхэг Өдөр Тутмын Залбирал хэмээх гайхамшигт хэрэгслүүдийг тууштай, тогтмол ашиглаж байгаа тань ухаалаг явдал юм. Хэрэв хүн бүр таны үлгэр жишээг дагавал, бид энэ гарагийн энергийг хурдан бөгөөд сайнаар хувиргаж, гэгээрлийн эрин үеийг эхлүүлнэ. Энэ дэлхийн хүнд үйлийн үрийг ариусгах хэрэгтэй бөгөөд хэрэв хүн бүр өөрсдийн төхөөрөмж дээрээ хэдхэн товчлуур дараад л, тэдгээрийг асаалттай байлгаснаар энэ үйл явцад хувь нэмрээ оруулбал, бид дэлхий гараг даяараа бодит ахиц дэвшил гаргаж чадна. Үүнээс гадна, хэрвээ хүн бүр веган хооллолтыг сонговол манай Дэлхий бидний төсөөлж чадахаас ч давсан диваажин болно. БУРХАНЫ Нигүүлслээр дэлхийгээ эдгээхэд хэрэгтэй бүх зүйл бидэнд яг одоо бүрдсэн байгаа нь үнэхээр баярлууштай, сэтгэл догдлом! Та болон Францын сайхан сэтгэлтэй ард түмэн Цаглашгүй Хүчирхэг Нэгдсэн Гурав-ын Билиг Ухаан дахь Тэнгэрлэг Урам зоригоор дүүрэн байх болтугай. Гэртээ хүрэх аянд тань Миний Хайр үргэлж замчлан хөтөлсөөр байх болно!”