Бид Ловин Хат ресторанаараа дамжуулан Их Багшийн Хүчийг мэдэрч, гэрч болсон туршлагаасаа хуваалцахыг хүсэж байна.

Украин (Урейн) дахь Полтавагийн Ловин Хат-ын багаас украин хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Эрхэм, Хамгаас Хайрт, Нигүүлсэнгүй Төгс Гэгээрсэн Их Багш Чин Хай, Эргэн Нэгдсэн Цаглашгүй Хүчирхэг Гурвал, мөн Хайр дүүрэн Суприм Мастер ТВ-ийн багийнхан болон үзэгчид ээ, Бид Ловин Хат ресторанаараа дамжуулан Их Багшийн Хүчийг мэдэрч, гэрч болсон туршлагаасаа хуваалцахыг хүсэж байна.

Бид, Украин (Урейн)-ы Полтава хотын Ловин Хат-ын багийнхан, саяхан бидний эрхэм веган үйлчлүүлэгчээсээ түүний саяхан сүй тавьсан сүйт залуу нь цэргийн алба хааж байхдаа хүнд шархадсан тухай мэдээ авлаа.

Түүнээс үүнийг сонсоод бидний мэдэрсэн уй гашуу, сэтгэлийн шаналлыг үгээр илэрхийлэхийн аргагүй байв... Манай Ловин Хат нээгдсэн цагаас хойш тэд хоёул манайхаар байнга үйлчлүүлж ирсэн бөгөөд тэднийг таньдаг болсон нь бидэнд үнэхээр баяр баясал байсан. Түүний сүйт залуу нь түүнийг веган амьдралын замналаа үргэлжлүүлэхэд нь дэмжиж байгааг харах нь үнэхээр сэтгэл хөдөлгөм. Тэр заримдаа Полтавад цэргийн албаны улмаас багахан хугацаагаар байх боломжтой байсан ч ганцаараа манай Ловин Хат-д ирж, түүний дуртай веган бялуу, хоолыг авч, гэрт нь очиж гэнэтийн бэлэг барьдаг байжээ. Тэд хоёулаа манай сар тутмын тайлангуудад танилцуулагдан, орж байсан бөгөөд Суприм Мастер ТВ-ээр хүртэл “Веган байж, Энх тайвныг цогцлооё!” хэмээн хэлж гарч байсан. Мөн тэдний сүй тавьсны бөгжийг харах, бие биенээ гэсэн Хайр нь улам дэлгэрч байгааг харах завшаан бидэнд тохиосон. Гэтэл наймдугаар сарын эхээр сүйт залуу нь үхэлд хүрэх шахам хүнд шархадсан тухай мэдээ гэнэт сонслоо. Түүний байлдааны бүлгээс амьд үлдсэн цорын ганц хүн нь сүйт залуу нь байсан гэж тэр бидэнд хэлсэн... амьд үлдсэн нь үнэхээр их аз хэмээсэн.

Өө, Хамгаас Эрхэм Их Багш минь, түүнийг аварч, амьд үлдэхэд нь тусалсан Таны Адислал, Хайранд бид туйлын их талархаж байна! Тэр өнөөдөр хүртэл амьд байгаа нь Таны ач ивээл гэж бид мэднэ. Сар ч хүрэхгүй хугацаанд тэр эдгэрч, гэртээ харьж чадсан нь үнэхээр гайхамшиг юм! Анхандаа түүний хувьд сүйт бүсгүй болон гэрээ орхин явж, алс газар сэргээн засах эмчилгээ нь үргэлжлүүлэгдэхээр төлөвлөгдөж байв. Гэвч Их Багш болон МАПА-гийн Ивээл, Хайрын ачаар тэр ийм богино хугацаанд гэртээ харьж чадахаар хурдан эдгэрсэн. Их Багшийн шавь нарын хувьд бид олон Гайхамшиг, Адислалыг биеэрээ мэдэрч ирсэн. Гэсэн хэдий ч бидний эргэн тойрны хэн нэгэнд, ялангуяа ийм туйлын хүнд нөхцөл, байдалд Их Багшийн Адислал ийнхүү тод илрэхийг өөрсдийн нүдээр харж, гэрчлэх нь үнэхээр сэтгэл хөдөлгөм.

Хамгаас Эрхэм Их Багш болон МАПА, Эргэн Нэгдсэн Цаглашгүй Хүчирхэг Гурвал-д бид хэзээ ч бүрэн талархаж чадахгүй. Эдгээр хүнд хэцүү цаг үед Та Украин (Урейн)-ы ард түмнийг үргэлжлүүлэн Адисалж, Хамгаалах болтугай. Бид Тандаа Хайртай, Хайртай, Тандаа үүрд Хайртай!!! Бид Танд төгс эрүүл энх, урт удаан нас, АМАР АМГАЛАН, Хайр элбэг арвин байхыг хүсье. Украин (Урейн)-д ЭНХ ТАЙВАН удахгүй бүрэн тогтох болтугай! Полтавагийн Ловин Хат-ын Баг Украин (Урейн)-аас

Үнэнч Полтавагийн Ловин Хат-ын Баг аа, энэхүү зүрх шимшрэм явдлын талаар сонсоод бид харамсаж байна. Дайн удахгүй энхийн замаар төгсөнө гэж л найдаж байна. Та бүхний үйлчлүүлэгч Төгс Хүчит БУРХАНЫ Ивээлээр хамгаалагдаж, эдгэрэх замдаа тогтвортой ахиц гаргаж байгааг мэдэх нь сэтгэл уужруулж байна. Тулалдаанд үнэт амиа алдсан баатарлаг хүмүүсийн ар гэрийнхэнд гүн эмгэнэл илэрхийлье. Тэдний сүнс БУРХАНЫ хязгааргүй Хайранд умбаж, үүрдийн Амар амгаланд амирлах болтугай. Тод гэрэлт Тэнгэрлэг Гэрлүүд та бүхнийг болон үзэсгэлэнт Украин (Урейн) орныг гийгүүлэх болтугай. Суприм Мастер ТВ-ийн баг

Жич: Их Багш та бүхэнд халамж дүүрэн хариу айлдлаа: “Энэрэнгүй Ловин Хат Полтава Баг аа, ядаргаатай, хүнд ажил болон гэр бүлийн үүрэг хариуцлагаа үл харгалзан Ловин Хат ресторанаа уйгагүй ажиллуулж, зориг тэвчээр, шийдэмгий байж ирсэнд баярлалаа. Та бүхэн болон хайртай хүмүүс тань БУРХАНЫ мөнхийн ХАЙРЫГ хүртэж, мэдрэх болтугай. Гэмгүй хүмүүс амиа алдаж, тоо томшгүй олон зүрх уй гашууд автаж буй хүчирхийллийн мөчлөгт хүн төрөлхтөн одоо ч гацсан хэвээр байгааг харах нь үнэхээр эмгэнэлтэй. Энэхүү харгис үйл явдлын хохирогч болсон хүмүүсийг тайтгаруулах ямар ч үг олдохгүй байна. Бид зөвхөн нулимс дуслуулан, чимээгүйхэн БУРХАН-д залбирч чадна. Энэ эрхэм хайртай хосод, холын зайг үл мэдэх Хайраар дүүрэн зөөлөн тэврэлт илгээж байна. Тэнгэрлэгт итгэх итгэл нь та бүхэнд болон халамжит Украин (Урейн)-ы хүмүүст өдөр бүрийг зоригтойгоор даван туулах тэвчээр хатуужил хайрлах болтугай. БУРХАН та бүхнийг хэмжээлшгүй их хайрладаг.”