Sharing Importance of Quan Yin practitioners Connecting Deeply with Divine Power within

Монгол улсаас Цэцэгмаагийн монгол хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Сайн байна уу Хайрт Их Багш болон Суприм Мастeр Телевизийн хамт олонд энэ өдрийн мэндийг хүргэe. Саяхан өөрт харагдсан мэдээллийг хуваалцахыг хүслээ. Дэлхийн газрын зурагт зарим газрууд хар толботой, зарим улс орнууд саарал, өнгө муутай байдаг юм байна. Надад эхлээд африк тив харагдсан бөгөөд олон газраа хар толботой, өнгө муутай харагдав. Бас олон давхар номын хуудас шиг давхаргатай байсан. Энэ бол дэлхийн үйлийн үр гэж би шууд ойлгов. Тэгээд би Монгол улсаа олж харахыг хүсэв. Манай улс бас сааралдуу, өнгө тааруу, Монголын баруун хойд Увс аймгийн нутаг хавьд том хар толбо байв. Тэр толбыг цэвэрлэх ажил хийсэн бөгөөд муухай тамын амьтан над руу дайрч байв. Би БУРХАНД залбиран гуйж, БУРХАНЫ тусламжтай ажлаа дуусгав. Тэр үeд олон давхар манай улсын өмнөх доод би-д гэрлэн биeүүд бүгд зэрэг өргөгдөн дээшилж байлаа. Тэр үeд тааруу байсан өнгө нь сайжирч байлаа. Энэ бүх Адисын дараа Монгол Улс маань улам сайхан болох ирээдүйтэй юм байна гэж мэдэрсэн. Энэ их Адислалд Их Багшдаа болон БУРХАНД талархаж байна. Монгол Улсаас Их Багшийн шавь Цэцэгмаа

Бодлоготой Цэцэгмаа, Таны туулсан туршлага нь дотоодын Бурханлаг Хүчтэйгээ гүн гүнзгий холбогдохын чухлыг бүх Арьяабалын бясалгагчид сануулсан утга учиртай сануулга юм. Ингэснээр бид Гэрэл, энэрэл нигүүлсэл, хайрын дамжуулагч болж, энэ дэлхийд улам их гэрэл гэгээг авчирч чадна. Та болон зочломтгой Монголын ард түмэн амьдралдаа амар тайван замаар урагшлах болтугай, Суприм Мастер ТВ-ийн хамт олон

Жич: Их Багш танд хайр дүүрэн хариу илгээжээ: “Халуун дулаан сэтгэлтэй Цэцэгмаа, зүрх сэтгэлдээ хүндлэл тээж БУРХАН-ы Ажлыг хийж буйд тань баярлалаа. Аллага хядлагын мөчлөг үргэлжилсээр байгаа цагт бид дэлхийд маань урсан орж ирэхээр хүлээж буй Адислал, Ивээлийг өөрсдөө саатуулсаар байх болно гэдэг ойлголтыг хүн төрөлхтөн ухааран сэрэх ёстой. Монголын Мөнх Хөх Тэнгэр ард түмнээ үргэлж харж хамгаалсаар байх болтугай. БУРХАН таныг маш их хайрладаг.