Дэлгэрэнгүй
Татаж авах Docx
Дэлгэрэнгүй уншаарай
Хятадаас Юй-Шю-гийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:Хамгаас Хайрт Их Багшдаа хүндэтгэлтэйгээр мөргөе. Шувуу-хүн Танд энх тайвны мэдээг авчирсан тухай “Шувуу-хүний сэтгэл хөдөлгөм дуу” мэдээллийг сая үзлээ. Үнэхээр гайхамшигтай! Мөн дэлхийн энерги бүрэн шинэчлэгдэхтэй холбоотой дотоод ахуй ойлголтоо Тантай болон үзэгчидтэй хуваалцахыг хүсэж байна.Хэдэн жилийн өмнө би дотоод ахуй ойлголтдоо дэлхийн ихэнх хүн сөрөг, муу энергитэй тас хар могойнуудад боолчлогдон эрхшээлд нь орсон байгааг харсан. Зүйрлэшгүй Хүчирхэг Гурав нэгдсэний дараа энэ ертөнцөд өөрчлөлт гарсан. Тэр үед маяа хормын төдий эргэлзэхэд, олон хүн тэр даруй аврагдсан. Дэлхийн энерги хар өнгөнөөс сааралдуу өнгө рүү шилжин, өөрчлөгдсөн. Дараа нь 2026 оны долоодугаар сарын 25-нд дэлхий дээр маш олон могой байсаар байсан ч тэд бүрэн тунгалаг болсон бөгөөд тэдний энерги нь гялалзсан цагаан өнгөтэй болж хувирсан байв. Бүр сайн мэдээ гэвэл, тэд маш дөлгөөн байсан бөгөөд хүмүүст хор хүргэх ямар ч санаа, зорилгогүй байсан. Энэ дотоод зөнгийн үзэгдлийг хараад би үнэхээр их баярласан. Энэ нь хүн төрөлхтний ухамсар дээшлэхэд илүү хялбар болно гэдгийг зөгнөж байна.Агуу Их Багшийг дэлхий даяар хайрлан хүндэлдэг нь туйлын үнэн. Нэг удаа би дотоод ертөнцөд урьд нь таньдаг байсан хүнтэйгээ уулзсан. Тэр надаас Их Багшийн Буддагийн дуулалтай уншлагыг түүнд зориулж тоглуулж өгөхийг хүссэн. Би түүнээс “Та Төгс Гэгээрсэн Их Багш Чин Хайг мэдэх үү?” гэж асуув. Тэр “Миний оюун ухаан Түүнийг танихгүй ч, зүрх сэтгэлийнхээ гүнд би Их Багшийг маш их хайрладаг. Их Багшийн дуу хоолойг үргэлж сонссоор байхыг хүсдэг” гэж хариулсан.Би мөн бодит ертөнцөд маш эерэг үзэгдэл ажигласан. Хэдэн жилийн өмнө зарим хүн миний сувгийн доор Их Багшийн талаар өөрсдийн буруу ойлголтоо илэрхийлсэн сэтгэгдэл үлдээдэг байв. Гэсэн хэдий ч, бүх Гэгээнтний хичээл зүтгэлийн ачаар Их Багшийн сургаал, айлдварууд цахим орчинд улам олноор түгэн гарч ирсэн. Өнгөрсөн нэг жилийн хугацаанд би буруу ойлголт агуулсан ердөө ганцхан сэтгэгдэл хүлээн авсан; бусад нь бүгд эерэг байсан бөгөөд тэдгээрийн дотор сая гаруй дагагчтай сувгийн эзний Их Багшийн сургаалд талархаж байгаагаа илэрхийлсэн сэтгэгдэл ч байсан. Мөн өмнө нь мэдлэггүй, мунхагийн улмаас Их Багшид хор хүргэж байсан хүмүүс ч байсан бөгөөд тэд хожим нь сэтгэгдэл үлдээж, уучлалт гуйсан төдийгүй Их Багшийн уужим сэтгэл, өршөөнгүй зан чанарт талархаж байгаагаа илэрхийлсэн. Үүнээс ч сайхан нь илүү олон хүн сүнслэг бясалгал болон сүнсний захиасуудыг илүү их сонирхох болсон. Үүнээс гадна маш олон зүйл бий...Би үнэхээр их баяртай байна. Хүн төрөлхтний сүнслэг үр соёолж, цэцэглэх цаг нь ойртож байна. Цаглашгүй Хүчирхэг Их Багш аа, дэлхий дээрх бүх мэдэрхүйт төрөлтнүүд сайн сайхан болж, Тим Ко Тү-гийн Шинэ Орноо чөлөөлөгдөн хүрч, Танд болон МАПА БУРХАН-д хайрлагдаж буй гайхамшигт мэдрэмжийг мөнхөд эдлээсэй гэж би чин сэтгэлээсээ хүсэж байна. Хамгаас Эрхэм Их Багш болон Орчлон даяарх бүх Гэгээнтнүүд үүрд эрүүл энх байж, Таны ариун үйлс, эрхэм зорилго саадгүй бүтэх болтугай. Хятадаас Юй-ШюУрам зориг авсан Юй-Шю, сэтгэлийн үгээ илгээсэнд баярлалаа.Их Багш танд зориулан онцгой захиас илгээжээ: “Ухамсартай Юй-Шю, дотоод зөнгийн үзэгдлүүдээ хуваалцсанд баярлалаа. Таны хэлсэн үгийг сонссон хүмүүст энэ нь дэлхий дээрх энерги илүү сайн тал руугаа өөрчлөгдсөнийг ойлгоход тусална гэж найдаж байна. Илүү олон хүн веган болох хэрээр дэлхийн уур амьсгал улам бүр өргөгдөж, эерэг сайхан болно. Сөрөг хүчний эрхшээлдээ оруулдаг нөлөө нь буурсан тул одоо хүн төрөлхтний хамгийн том саад нь өөрсдийнх нь бодол санаа болжээ. Цаашид ч сайн бясалгаж, бусдын замыг гэрэлтүүлэх Гэрэл нь байгаарай. Та болон домогт Хятад орон БУРХАНЫ хязгааргүй Гэрлийн Сүр жавхланд умбах болтугай.”
