Дэлгэрэнгүй
Татаж авах Docx
Дэлгэрэнгүй уншаарай
Одоо Ау Лак буюу Вьетнамаас Хак Күкийн аулак (вьетнам) хэл дээр илгээсэн захидлыг олон хэлний хадмал орчуулгатай хүргэе:Хамгаас Хайрт Их Багш аа, 2026 оны 9-р сарын 1-ний шөнө унтаж байхдаа тоолшгүй олон Будда, Бодьсадва Ау Лак (Вьетнам) руу буун ирж байгааг би харсан. Тэд маш олон байсан тул Ау Лак (Вьетнам) дэлхийн дээд хэмжээний уулзалт зохион байгуулахаар бэлтгэж байгаа мэт санагдсан. Их Багш аа, Тэд үнэхээр тоо томшгүй олон байсан. Зүрх минь асар их баяр хөөрөөр дүүрэв. Миний харсан зүйл үнэхээр төсөөлсөн шиг минь байсан эсэхийг мэдэхгүй учир, Их Багш Танаас үнэхээр тийм зүйл болсон уу хэмээн асуухаар энэ захидлыг бичиж байна. Та бидэнд хэлж өгнө үү?Энэ дэлхий удахгүй веган болж, амь хөнөөх, нядлах бүх үйл төгсгөл болоосой гэж бид найдаж байна. Хүн бүр сэрж, өөрийн цэвэр ариун жинхэнэ мөн чанарыг дахин олж, Их Багш бие махбод, сэтгэл санаагаараа дахин зовох шаардлагагүй болоосой. Ингэснээр Та энэхүү үзэсгэлэнт гараг дээр хүн төрөлхтнийг оюун санааны хувьд үргэлжлүүлэн дэвшүүлж чадна. Их Багшийг дэмжихээр алс холын гарагуудаас нэгдэн Дэлхийд бууж ирсэн бүх Будда Хаадад талархъя.Бид маш сул дорой бөгөөд Их Багшид туслах юу ч хийж чадахгүй байна. Харин ч хичээнгүйлэн бясалгаагүй төдийгүй шинэ үйлийн үр бүтээж, Танаар дахин цэвэрлүүлдэг тул Танд дарамт болж байна.Бид Танаас хэдэн тэрбум, тэрбум, тэрбум... удаа чин сэтгэлээсээ уучлал хүсье. Зөвхөн Та л ийм агуу өгөөмөр байж чадна. Таных шиг амь биеэ огоорсон Хайр хэнд ч үгүй. Гурвал БУРХАН Таныг бүхий л нөхцөлд, ялангуяа хамгийн аюултай үед хамгаалаасай гэж бид залбирч байна. Танд болон Суприм Мастер Телевизийн багт чин сэтгэлээсээ талархъя. Хак Күк, Ау Лак (Вьетнам)-аасЗөн совинтой Хак Күк, захидалд тань баярлалаа. Их Багш танд зориулан энэхүү хайрын захиасыг илгээжээ:“Гярхай Хак Күк минь, манай Дэлхийг ивээж буй Диваажингийн Орнуудын тусламжийн хэмжээ төсөөлшгүй их билээ. Урьд өмнө хэзээ ч ийм их Адис бидэнд бууж ирж байгаагүй. Одоо дэлхий даяараа өндийн босож, шинэчлэгдэх цаг ирлээ. Хүмүүст сэрж, анхдагч Мөн чанартаа эргэн хувирч, гэгээрэхэд хэрэгтэй бүх тусламжаа авах урьд өмнө байгаагүй боломж тохиож байна. Шаардлагатай гол өөрчлөлт бол веган амьдралын хэв маягийг сонгох явдал. Ингэвэл манай гарагийн төлөөх БУРХАНЫ Тэнгэрлэг Төлөвлөгөө хэрхэн биелэхийг бүгд үзнэ. Энэ бол үнэхээр гайхамшигтай. Хүн бүр энэ өөрчлөлтийг хэдий чинээ хурдан хүлээн авна, Дэлхий дээрх Диваажин төдий чинээ хурдан биелэлээ олно. Та болон Ау Лак (Вьетнам)-ийн баяр баясгалант ард түмэн Цаглашгүй Хүчирхэг Нэгдмэл Гурвалын та бүхэнд зориулсан Адис бүхнийг бишрэн шагших болтугай. БУРХАНЫ ИВЭЭЛЭЭР миний Хайр үргэлж та нартай хамт.”











