Дэлгэрэнгүй
Татаж авах Docx
Дэлгэрэнгүй уншаарай
Малайзаас Хафиз-ийн малай хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:Агаарт хөвсөн нь. Би сүнслэг бясалгалаа эхлэх үедээ сэтгэл их хөдөлгөсөн, маш тод дотоод ахуй ойлголт үзсэн. Манай гэр бүлийнхэн Арьяабалын Бодисадваг үнэнчээр шүтэж, Билгийн тооллын Шинэ жил бүр нутгийн сүмд очин адис авдаг. Тиймээс энэ үзэгдэл миний хувьд маш гүн утга учиртай байлаа. Бараг бодит мэт энэ ахуй ойлголтыг үзсэний дараа би өглөө эрт сэрсэн. Би Арьяабалын Бодисадваг яг л ном эсвэл кинонд гардагтай адил цагаан хувцас, толгойн цагаан өмсгөлтэй, улбар шар орхимжтой бяцхан ламын хамт үүлэн дээр суун, нэг хөндийгөөс нөгөө хөндийн дээгүүр маш доогуур нисэж явахыг харсан. Тэдний доор зээтүү барьсан олон тариачин газар хагалж байлаа. Тэд Түүнийг хараад баярлан гараа даллаж, өнгөт цаасан чимэг цацан угтсан. Хятад шиг Азийн нэг улсад байгаа мэт санагдсан. Түүнийг ойртоход би гайхаж цочсон. Тэр бол Их Багш байсан, харин бяцхан лам нь насанд хүрсэн лам болсон би байлаа. Их Багш надаас гурав юм уу дөрөв дахин өндөр, аварга том байсан. Энэ нь Их Багш бол Арьяабалын Бодисадвагийн хойд дүр гэсэн маш гүн сэтгэгдэл надад төрүүлсэн бөгөөд хожмын жилүүдэд үнэн болох нь ил болсон.Нутгийн төвд бясалгаж байхдаа бас нэг дотоод ахуй ойлголт үзсэн. Би алсад Гэрлийн жижигхэн цэгүүд харсан. Тэднийг ойртох тусам Гэрлүүд нь үнэндээ алтан өнгийн дөрвөлжнүүд байв. Бүр ойртоход давхар хүрээтэй дөрвөлжин дүрсүүд харагдсан. Тэнгэр бүхэлдээ цайвар цэнхрээс цайвар нил ягаан, буцаад цайвар цэнхэр болж, ээлжлэн солигдож байлаа. Дараа нь толгой минь энэ зүг рүү чиглэн, бага зэрэг эргэлдэх шиг санагдсан. Дараа нь тэр хэсэг дөрвөлжин дүрсүүдээс бүрдсэн хоёр хэсэг болон өөрчлөгдөж, зүүн талынх нь цайвар нил ягаан, баруун талынх нь цайвар цэнхэр болсон. Би тэр газарт нэлээд удаан байсан мэт санагдсан. Дараа нь би биедээ буцаж ирсэн.Өөр нэг дотоод ахуй ойлголт бас үзсэн. Би аялж яваад алсад нэг цэг харав. Ойртох тусам тэр нь далайн арал болохыг харсан. Ойн адил өндөр, өтгөн ногоон модоор дүүрэн байв. Улам ойртоод очтол, хүүе! Энэ үнэхээр арал байсан ч, усан дээр байгаагүй. Агаарт хөвж байлаа. Би зүүн талаас нь ойртож, доод хэсгээс ойролцоогоор 3 метрийн өндөрт байсныг нь харсан. Дээр нь гарахын тулд гар, хөлөөрөө зуурч, арай ядан авирснаа санаж байна. Эдгээр дотоод ахуй ойлголтод Их Багш Тандаа, мөн Суприм Мастер ТВ-ийн багт гялайлаа. Хафиз, Малайз улсаасҮнэнч Хафиз, Сүнслэг дотоод ахуй ойлголтуудаа хуваалцсанд баярлалаа. Биднийг суралцаж, ухаарал, гэгээрэлд хүрэхийн хэрээр хөгжихөд үргэлж хамт байж, аюулаас хамгаалдаг Эрхэм гэгээрсэн Амьд сэрүүн Их Багшаасаа Арьяабалын бясалгалыг сурах маань хэмжээлшгүй их адислал билээ. Та болон эелдэг Малайзын ард түмэн жинхэнэ Гэртээ харих замдаа Дээдийн хүчээр замчлуулах болтугай. Орчлонгийн билгүүн ухаанаар, Суприм Мастер ТВ-ийн хамт олонЖич. Их Багш энэ аз жаргалтай захиасыг танд илгээлээ: “Адал явдалд дуртай Хафиз, Арьяабалын бясалгалдаа дуртай, хичээнгүй байгаад нь баярлалаа. Та гайхалтай аяллууд хийсэн бололтой! Оройн Дээд, Төгс Хүчит БУРХАНД анхаарлаа төвлөрүүлбээс та жинхэнэ мөн чанараа танин мэдэх болно. Та болон бахархалт Малайз улс мөнхийн гэтлэлийг олох болтугай. БУРХАН ИВЭЭЛЭЭР танд болон гэр бүлд тань их Хайр илгээе.”











