Дэлгэрэнгүй
Татаж авах Docx
Дэлгэрэнгүй уншаарай
Одоо Түүний эхнэртээ болон хамаг төрөлтнүүдэд өгсөн хоёр дахь зөвлөгөө нь энэ: “Амьсгал доороос дээшлэхэд” гэдэг нь амьсгаагаа гаргаад буцаад амьсгал авахад гэсэн үг, “амьсгаагаа бүү дага.” Гэхдээ амьсгалахдаа жишээ нь та тамирчин бол магадгүй гүйж байхдаа ч юм уу ойр зуурын юмс хийж хурдан гүйх болбол өөрийгөө туйлдуулж ядраах гэсний хэрэггүй. Жишээ нь хэт хүчтэй амьсгалбал... ингэвэл, өөрийгөө гүйж байхдаа алдах учиргүй. Гэвч... ашиглахыг хичээ. Гүйх ёстой учраас өөр зүйлд төвлөрч чадахгүй бол, та спортоор хичээллэх ёстой болж, тэмцээнд оролцож байвал амьсгал орж байгааг мөн гарч байгааг ухаарах хэрэгтэй. Тэгээд өөрийгөө энэ бүх амьсгалын ард буйгаар, энэ бүх дасгалын ард буйгаар төвлөрүүлээрэй, өөрийгөө төвд нь байлгахын тулд юм. Тухайн мөчид гүйж байв ч та нар гэгээрлийг мэдрэх болно. Тиймээс мэдээж ажлыг тань хялбаршуулна. Би Түүнийг ойлгож зөв тайлбарласан гэж найдъя. Хэрэв үгүй бол дараа надад хэлж болно. Хэрэв илүү дээр зүйл мэдэх бол надад хэлээрэй.Гурав дахь нь... Хүмүүс Шива-гийн Сургаалыг орчуулсан нь хэдийнээ толгой эргүүлэм байна. Учир нь үүнийг орчуулсан хүн Түүнийг яг ч ойлгоогүй бололтой. Түүнээс өмнө нь орчуулсан нэгэн аль хэдийн холиод хутгачихсан. Олон орчуулга хийгдээд илүү замбараагүй болж. Би өөрийнхөө ойлгосноор та нарт тайлбарлах гэж их хичээж байна. Замбараагүй орчуулгыг нь би бүр ч дордуулахгүй гэж найдъя.Гурав дахь нь, “эсвэл хоёр амьсгалын хоорондын нэгдэл дээр төвлөрөхийг хичээ.” Мэдээж, Таван (Ариун) Нэрсээ унш. Тэр тохиолдолд та нар амьсгалаас зуурах гэж оролдохгүй, зүгээр л санах гэж, санах зүйлтэй байхын тулд юм, тэгээд (Таван) Ариун Нэрсээ уншиж, өөрийгөө төвлөрүүл. Түүний хэлэх гэсэн зүйл гэвэл ажиллаж байсан ч, гүйж байсан ч, зогсож байсан ч, алхаж байсан ч төвлөрөх зүйл олох боломжтой гэсэн үг. Билгийн мэлмийгээ мартчихвал Таван (Ариун) Нэрсээ уншаарай. Гүйх ёстой бол шүү дээ. Та гүйж байхдаа замаа харах ёстой. Хэрэв Билгийн Мэлмийдээ хэт төвлөрвөл замаа харахаа мартаж мэднэ, тэгвэл уралдаанд түрүүлэх биш сүүлдэх болно.Учир нь энэ хүн орчуулж байхдаа магадгүй Шива дотооддоо амьсгалгүй төрөлтнийг, энергигүй энергийн талбайг сана гэж хэлснийг анзаараагүй байх. Жишээ нь хаалгагүй хаалга, хаалгагүй хаалга гэх мэт. Их Багшийн нууц Сургаалыг хэн ч бай ойлгох үнэхээр хэцүү. Энэ нь маш гүн, үнэхээр том нууц байдаг ба нэг Их Багшаас нэг шавьд уламжлагддаг. Хэрэв эгэл хүн сонсвол магадгүй эргэлзэж төөрөлдөх байх, орчуулах тухай ярилтгүй, гэтэл өөр орчуулгаас орчуулна гэдэг ч дээ. Бүр ч илүү төөрөгдөл үүснэ. Тийм учраас би ойлгомжтой болгох гэж чадлаараа хичээе.Тэгэхээр “энергигүй энергийн талбарын төв,” энергигүй энерги гэж Огторгуйг л хэлж байх учиртай, Бүхнийг Чадагчийг, оршихуй бүрийн дотор буй Цаглашгүй Их Багшийг хэлж буй. Тиймээс амьсгалж, хурдан гүйж байлаа ч бид боломжтой бол тэр төвөө санах учиртай. Мэдээж энэ нь хэцүү л дээ. Хүмүүс, “Би гүйж байхад, ажиллаж байхад, санах маш хэцүү.” гэцгээдэг. За, билгийн мэлмийн төвөө санах албагүй, гэвч билиг ухаантай төрөлтнийг сана, гүйдэггүй төрөлтнийг, байнга тогтуун байдаг төрөлтнийг сана. Тэгэхээр үйлдэл болгондоо бид санахыг хичээх боломжтой.Жишээлбэл, хурдан гүйж байхдаа хөдөлгөөнгүй байнгаа Түүнийг санахыг хичээх учиртай. Тэр бол бидний Жинхэнэ “Би” бидний бие хүн. Гэх мэт. Би ингэж ойлголоо. Хэрэв буруу ойлгосон бол Энэтхэг хүн та намайг залруулаарай. Энэ зөв үү, номын ах аа? Та юу гэж бодож байна? (Бидний мэдлэг тун гүехэн.) Та их даруу юм, бүх Энэтхэгчүүд шиг. Та юу гэж бодож байна? Тэр ард байгаа “Дэви”? Зүгээр байна уу?За, Шивагийн шавь нартаа өгсөн дөрөв дэх зөвлөгөө нь энэ: “Мөн бүх амьсгаагаа гаргаж, эсвэл бүрэн оруулах үед,” гэдэг нь бүх амьсгаагаа гаргах юм уу амьсгал авах үед, хангалттай амьсгал авах үедээ зогс, тэгж байхдаа зогс. “... ийм ертөнцийн зогсолтод гэнэт жижиг “би” бие махбод үгүй болдог. Тэр үед Жинхэнэ “Би”-гийн цэвэр ариун байдлыг ухаарахад маш хялбар болно. Орчуулга нь ингэж л хэлэх гэж. (Бид Прана эсвэл Пран авах үед амьсгал орж гарч байдаг.) Брана Брана. (Прана эсвэл Пран.) Үгүй, үгүй, үгүй, завсар нь. Хүмүүсийг бүү төөрөлдүүл, за юу? Энд Санскритээр бүү ярь. Би ч ойлгохгүй байна. Та Махаяана, Прана, Махапрана гэж бүү төөрөлдүүл. Тэр бясалгалыг та мэдэх үү? Пранаяама гэх мэт?За, тэгэхээр Тэр юу гэх гэсэн бэ гэвэл амьсгалаа гаргахаасаа өмнө эсвэл амьсгал авахаасаа өмнө эсвэл... Бурхан минь, би та нарын өмнөөс амьсгалъя... Тэр мөчийг хэлж, бүх амьсгааг авахаас өмнө эсвэл гаргасны дараах мөч. Тэр үед бид жинхэнэ оршихуйнхаа цэвэр ариун байдлыг санах ёстой. Тэр, гэхдээ маш хэцүү гэсэн байна. Та цэвэр ариун биш бол тэгж санахгүй. Үргэлж амьсгалаа дагаж, авч гаргаж, бие махбодынхоо ядралыг дагаж, улмаар оршихуйнхаа жинхэнэ дүр төрхийг бүр мөсөн мартана.Санах тавдугаар арга нь... Тэгэхээр, заримдаа та нар мартдаг, тийм үү? Тиймээс ...гэж санахыг хичээгээрэй Өөрийнхөө мөн чанарыг Гэрэл гэж бодож, энэ нь бие махбодоор тань нэвчин орж байна гэж бодоорой. Тэр үед, ийнхүү санаснаар та дотоод дахь амьд чанараа сэрээх болно, бидний дотор буй жинхэнэ Амин Хүчийг сэрээнэ.” Мэдээж тэр үед (дотоод Диваажингийн) Гэрлийн бясалгалаа бүү хийгээрэй, учир нь та хийж чадахгүй. Тиймээс ядаж л өөрийгөө (дотоод Диваажингийн) Гэрэл гэж бодож санахыг хичээ, (дотоод Диваажингийн) Гэрлийн бясалгал хийхдээ юу харж мэдэрдгээ сана, та нар (дотоод Диваажингийн) Гэрэл харсан. Тиймээс тэр үед (дотоод Диваажингийн) Гэрэл дээр төвлөрч чадахгүй үедээ ядаж санахыг хичээ, өөрийгөө (дотоод Диваажингийн) Гэрэл гэж бодоорой. За, миний ойлгосноор бол тийм байна.Энэ буй бүх сургаал нь өдөр тутмын амьдралд хүний бодол тархи тэнүүчлээд байдгийг болиулахын төлөө юм. Тиймээс бүхий л нөхцөлд бодол тархиа буцаан татах олон арга бий. Тийм учраас Тэр шавь нартаа бодлоо хянах маш олон аргыг заадаг. Учир нь хэрэв бодол тархиа нэг хором л чөлөөтэй орхичихвол төрөл бүрийн хог новш бодно. Тийм учраас өдөр бүр бодлоо барьж хянах 112 арга байдаг. Хэрэв үүнийг ар араас нь ашиглавал магадгүй та нар Жинхэнэ Оршихуйнхаа Ариун мөн чанарыг ямагт санах болно.Зургаадугаар зөвлөгөө... “Хоорондын завсарт.” За, за. Тэгэхээр заримдаа магадгүй бороо орох үед, энд бичсэнээр бол, “Өөр өөр аянга цахилгааны завсарт...” гэж. Заримдаа шуурганаар аянга ар араасаа цахидаг, тийм үү? Тиймээс үүний завсарт өөрийгөө тийн мэдэрч, яг л ертөнцийн аянга мэт хүчирхгээр мэдэр. Бороо орсон ч Бурханыг санах боломжтой; өөрийнхөө жинхэнэ төрхөө санах боломжтой. Их Багш ийм утгаар хэлсэн байх. Илүү ухаалаг нэгэн надад өөрөөр хэлэхгүй бол ийм. Учир нь энд надад судар нь бүхлээрээ байхгүй, товч, сургаалын төвлөрсөн хэсэг нь л надад байна. Үүнийг хамгийн сайнаар нь орчуулахыг хичээе. Орчуулж тайлбарлахыг хичээе.За, цааш нь үргэлжлүүлье, Тэр түүнтэй ахиад эелдэг ярив. “Дэви”, Тэр түүнийг Дарь Эх гэж дууддаг байсан. “... та бас Бурханыг санахыг хичээх боломжтой, эсвэл Санскрит үсэг төсөөлж гэгээрэх боломжтой.” “Эхлээд тэдгээр нь үсэг ч...” Америк хүмүүсийн тухайд гэвэл, та нар Санскрит үсэг төсөөлөөд хэрэггүй байх, харин цагаан толгой илүү дээр. “Нэгдүгээрт үсгүүдийг нэг нэгээр нь, бодит үсгээр нь төсөөл, дараа нь илүүтэй аялгуу мэтээр ойлго. Жишээ нь А, Б, гээд чангаар унших шаардлагагүй ч, тэдгээрийг чимээгүй дуу авиа мэтээр ойлго. “Тэгээд дуу авиаг давж мэдрэхүйд нэвтэр.” Аялгуу сонсохын оронд үсгүүдийн хэлбэлзлийг мэдрэхийг хичээ, эсвэл бичсэн үсгүүдийг хар. Ойлгогдож байна уу? За.Өөрийгөө багш байна гээд төсөөл. Та А, B, C гээд англи хэл заах ёстой байв, магадгүй алжаал тайлах зарим мөчид та шууд төвлөрч чадахгүй юм уу, үдийн цайны завсарлага авах ёстой болох ч дотор нь байнга A, B, C, D, E, F... гэж бодогдсоор байх болно. Тэр үед үүнийг ч бас ашиглаарай. Эргээд үүн дээр бясалгаарай. Ядаж л төвлөр. Бодол тархи тань дүүрэн ажилтай байж, анир чимээгүй мөчид буцаад шууд Таван Ариун Нэрсээ унших ч юм уу ямарваа хүссэн төвлөрөлдөө орж чадахгүй бол энэ нөхцөл байдлаа ашиглан үүнийгээ төвлөрлийн арга болгох боломжтой. Тэгээд бид анхаарлаа эргээд олж авах хүртлээ бясалгаж төвлөрч болно. Өөрсдийгөө эргээд хянах хүртлээ. Тэгвэл зүгээр. Таван Ариун Нэрсээ уншиж, (дотоод Диваажингийн) Гэрлийн бясалгалаа хийгээрэй.Яг л Америк хүмүүс, “Хэрэв хэн нэгэн танд лимон өгвөл, түүгээр нь шүүс хийгээрэй.” гэдэг шиг юм. Өөр яах ч билээ? Дэндүү исгэлэн учраас бид жаахан сахар нэмж, бие сэргээх унд болгодог. Үүнтэй адилаар бидний бодол тархи байнга тэнүүчилж байдаг. Тиймээс нөхцөл байдал болгонд үүний тэнүүчлэх хүчийг нь ашиглан буцаагаад өөрсдийгөө төвлөрүүлэх давуу тал болгохыг хичээ. Жишээ нь өчигдөр бид цэцэрлэгийн зэрлэг өвсний тухай ярьсан, хэрэв тэдгээрийг зулгааж чадахгүй бол, хайрла, эсвэл өөр зүйл хийхийг хичээ. Багваахайн навчсаар салат хийхийг хичээ. Тийм! Үнэхээр гайхалтай салат болдог. Маш тэжээллэг.Үнэндээ одоо Герман улс үнэхээр их хөгжсөн учраас байгалиараа газар олоход тун бэрх, тиймээс багваахай цэцэгс бол ховор төрөл зүйл. Тэдгээрийг захаас худалдан авъя гэвэл их үнэтэй! Тийм энгийн салатнаас илүү үнэтэй. Би тоглоогүй шүү. Герман хүмүүс үүнийг мэдэх үү? Энэ үнэн үү? Германд амьдардаг хүн алга. Та мэдэх үү? (Швейцарт адилхан.) Швейцарт мөн адилхан, бас л энгийн салатнаас илүү үнэтэй, тийм. Тийм байх, учир нь хүмүүс байгальд гарч эдгээрийг түүхээ больсон. Цөөн хэдэн хүн л түүгээд дэлгүүрт худалдаалдаг. Бас тийм ч их байхгүй, их хэмжээгээр байхгүй. Би мэднэ. Саяхан бид германд байхдаа би шавь нарт, “Энэ өчигдөр түүсэн нь, би өмнө нь түүдэг байсан юм” гэж харуулсан. Тэд худалдан авахыг хүссэн ч маш үнэтэй,нөгөө салатнаасаа ч үнэтэй. Тиймээс байгалийн зүйлсийг бүү дорд үзээрэй. Орчин үед зэрлэг байгалийн зүйлс тарьж ургуулснаасаа илүү үнэтэй болсон. Эрт дээр үед эсрэгээрээ байж билээ. Хэдүүлээ яагаад идэх юм руу ороод явчхав? Аймшигтай! Би өлссөн байх; үдийн хоолоо идээгүй байгаа. За, тийм.Буцаад Санскрит үсэгтээ орцгооё, за юу? Хэрэв та Энэтхэг хүн бол мэдээж Санскрит үсгүүд төсөөл. Эхлээд бичигдсэн үсгээр нь, дараа нь дуу авиагаар, дараа нь мэдрэмжээр, тэгээд эцэст нь бүгдийг нь орхиод чөлөөтэй бол. Бүх бодлоос, бүх төсөөлөл, бүх мэдрэмжээс чөлөөлөгд, бүхнээс. Зүгээр л суугаад сайхан бай. Тийм.Photo Caption: Төрөл бүрийн жимстэй 4 судалтай нарийн боов - Интоор, жүрж, мармелад, гүзээлзгэнэ” (Энд гарч буй бүгд өвдөлт мэдэрдэггүй хүнс)
