Энх тайвны үйлийн үрийн бүрхүүлийг хэрхэн илүү сайн нээх вэ, цуврал лекцийн 6-р хэсгийг

Тиймээс надад туслаач дээ. Энэ энх тайвны үйлийн үрийн бүрхүүлийг хагалан нээж, энх тайвныг гаргах багаж хэрэгслийг надад авчирна уу. Энэ биет ертөнцөд бид зөвхөн адислалын хүч, Бурханы хүчийг ашиглаад зогсохгүй бидэнд багаж хэрэгсэл ч бас хэрэгтэй. Бидэнд багаж хэрэгсэл хэрэгтэй. Тэдгээр нь илүү үр ашигтай. Тиймээс Буддад ямар ч арми байгаагүй, Тэрээр байлгахыг ч хүсээгүй. Дайсан улсын арми тэдний улс руу гэнэт дайран орж, Түүний овгийг эцэс төгсгөлгүй алж, хөнөөж, тарчилгасан. Гэвч Будда хүртэл зэвсэг хэрэглэхийг оролдоогүй, Тэрээр Өөрийн багаж хэрэгслийг ашиглаж, нас барсан хүмүүсийг дараа нь адисалсан. Мөн Тэр Өөрөө биечлэн гудамжинд гарч, энх тайвны бэлгэ тэмдэг, энх тайванч байдал, улсдаа энх тайвныг хүсэж буйн илэрхийлэл болон суусан. Гэвч энэ хангалтгүй. Энэ нь дайны эсрэг хэрэглэх хангалттай биет хэрэгсэл биш юм.

Өнөө үед тухайн улс хэлэлцээр хийх, дайныг зогсоохын тулд ямар нэг зүйлээр тэднийг хахуульдаж, эсвэл бүх армиа тулалдаанд түлхэн оруулж, бүгд үхэж дуусах хүртлээ байлдаж байж, дараа нь энх тайван гэгчийг тогтоох ёстой болно. Тэр цагийг болтол аль аль улс нь сүйрч, эвдэрч, хүмүүсийн амь үрэгдсээр байна. Ургац шатаж, бизнесүүд хаагдаж, сургуулиуд хоморгод нь өртөж, улс орон эмх замбараагүй болж, хүмүүс зөвхөн бие махбодоороо төдийгүй мэдрэл, сэтгэл, сэтгэл санааны хувьд ч зовж байна. Энэ нь дэлхийд ямар сайн байх вэ?

Та улс орны удирдагч байгаад ч, улс тань эцэст нь дайнд ялаад ч, тэгээд яах вэ? Та юу олж авах вэ? Та өдөрт хамгийн үнэтэй 10 хослол өмсөж болох уу? Яах гэж? Та ерөнхийлөгчийн ордондоо хамгийн дэвшилтэт технологитой байж болно? Та хамгийн үнэтэй, өндөр технологийн хэдэн зуун машинтай байж, өдөрт 10 удаа хооллож болно? Та тансаг барилгад амьдардаг байж болно, тэгээд яах вэ? Та эцэст нь бас үхнэ, мөн тамд аймшигтай шийтгэл хүлээж байгаа. Учир нь та хүмүүсийг түүний дотор хүүхэд хөгшдийг зовоосон.

Та үнэндээ юу ч хожихгүй. Их Эзэн Есүс “Хүн бүх дэлхийг олж аваад өөрийн сүнсийг алдвал түүнд ямар ашиг байх вэ?” гэж хэлсэн. Учир нь энэ маш чухал зүйл. Хэрэв таны сүнс устгагдаж, эсвэл хоригдож, эсвэл тамд үүрд түгжигдэх бол та цаашид оршихоо болино. Учир нь та юу тарина, түүнийгээ л хураана. Бүх зүйл ийм байдаг. Та алимын үр таривал алимын модтой болно. Алимын модтой бол алимын жимстэй болно. Яг ийм зарчмаар. Хэрэв та хорт мод таривал хор гарна, тэр нь танд хүртэл нөлөөлж магадгүй.

За, та нарын мэдэхгүй зүйл тийм ч их байхгүй. Зүгээр хэрэгжүүлэх л хэрэгтэй. Та нар итгэдэг бүх шашны багш нарынхаа сургаалыг авч, хэрэгжүүлэн, гаргаж ирэн, задлан шинжилж, аль мэргэн, өөрт ач тустайг нь ашиглах хэрэгтэй. Учир нь хэчнээн олон ном уншсан ч дадлага хийхгүй бол эмч болж чадахгүй.

БУРХАН сайхан биеийг бүтээж, ухаалаг оюуныг цэвэршүүлэн, сүнслэг ахиц дэвшлийг тэтгэн, биднийг гэгээнтэн, Будда болгохын тулд жимс, ногоогоор бидэнд маш ихийг өгсөн. Гэвч хэрэв та тэднийг хэрэгжүүлэхгүй, БУРХАНЫ бидэнд бэлэг болгон өгсөн шим тэжээлийг авахгүй бол эхлээд та эрүүл биш болно, мөн таны оюун юу үнэн, юу худал гэдгийг ухаарахуйц хангалттай саруул байхгүй. Тиймээс ч олон хуурамч багш та нараас мөнгө авч, тэр бүр хэл хүүхдүүдийг тань хүчирхийлж, өөрсдийн худал хуурмаг сургаал, ухаангүй логик, сэтгэл болон бие махбодын чөтгөрийн жишиг сургаалд итгүүлснээр та нарыг там руу татаж чаддаг. Эцэст нь энэ нь та нарыг зөвхөн сүйрэл, там руу л хөтөлнө.

Та БУРХАНЫГ мэдсэн цагт танд өөр юу ч хэрэггүй. Юу идэх, юу уух, өвдсөн үедээ ямар эм уухыг тань хүртэл БУРХАН хэлж өгнө. Зөвхөн хэрэв та дэлхийн үйлийн үрийг үүрвэл хүссэнээрээ, эсвэл БУРХАН таныг ямар байлгахыг зорьсон шиг үргэлж тийм сайн байж чаддаггүй. Хэрэв та бусдын үйлийн үрийг, ялангуяа бүх дэлхийн үйлийн үр, дайны үйлийн үр, энх тайвны үйлийн үрийг төлөхийг хүсвэл үүний улмаас юу ч ирсэн хүлээн авах л ёстой болно.

Бясалгал дадлын жинхэнэ зарчим бол ердөө өөрийн явдлыг анхаарах юм. Хэнтэй ч бүү дайт. Дайнд оролцож, энх тайван тогтоохыг ч бүү бод. Үргэлж дотооддоо ханд. Дэлхий дээр хийх ёстой зүйлээ л хий. Дотогшоо хандан (дотоодын Диваажингийн) Гэрлийг хай, БУРХАНЫГ хай, Бурхантай хамт байж, БУРХАНД залбиран, БУРХАНЫГ шүтэж, БУРХАНЫГ хайрла. Таныг хорьж буй бүрхүүлээс гарахын тулд хийх ёстой зүйл тань ердөө л энэ. Та бусдын үйлийн үр, эсвэл ажил хэрэгт хөндлөнгөөс оролцох бүрдээ наанадаж талыг нь эдэлж зовно.

Тиймээс олон Их Багш улс төр, дайн дажин, энх тайвны төрлийн үйл явдалд оролцдоггүй. Та гадаа алхаж, ертөнц харагдсан ч бүү хар, зүгээр дотогшоо ханд. БУРХАНЫГ үргэлж сана. Энэ зовлонгоос үүрд чөлөөлөгдөж, Гэртээ харих зорилгоо сана. Тэгвэл та тэр зорилгодоо гарцаагүй хүрнэ. Гэтэл зарим Их Багш бусдыг мунхаглал, эмзэг дорой байдалд зовж шаналж буйг хараад тэвчиж чаддаггүй. Тиймээс тэрхүү Их Багш туслахыг оролдон, Өөр дээрээ маш их үйлийн үр чирч үүрдэг. Дайн дажны асуудалд оролцоно гэдэг, ээ мөн, хэчнээн том үйлийн үр болохыг төсөөлшгүй. Тиймээс өнгөрсөн үеийн олон Их Багшийн түүхийг уншихад, Тэд бусдын үйлийн үрд оролцдоггүй. Тэд зөвхөн Өөрсдийн шавь гэгддэг, Тэднээс ирж номын мөр хөөх удирдамж хүссэн хүмүүсийг л халамжилдаг. Заримдаа тэд маш их чин сэтгэлтэй байсан ч хуучин Их Багш нь хүртэл тэднийг шууд хүлээж авдаггүй. Яг Мял Богд хийгээд Түүний Их Багш Марвагийн түүх шиг.

Тиймээс ихэнх Их Багш дэлхийн асуудал бэрхшээлд хөндлөнгөөс огт оролцдоггүй. Учир нь дэлхийн хүмүүс Тэднийг дагахгүй, энэ биет ертөнцөд Орчлонгийн Хуулийн шаарддаг зүйлийг яг биелүүлэхгүй бол ямар ч нэмэргүй байж магадгүйг Тэд мэддэг. Гэтэл тэгэх үед Их Багш асар их үйлийн үр үүрч, ач тус нь бага байна. Харин зарим Их Багш зүгээр л энэрэл, хайраар дүүрэн байдаг. Тэд хүүхдүүдийнхээ зовлонг тэвчиж чаддаггүй. Учир нь дэлхийн хүмүүс, дэлхийн төрөлтнүүд Тэдэнд хүүхдүүд шиг нь байдаг юм. Тэд тийм их хайр дүүрэн байдаг. Дэлхийн хүмүүс хэр зовно, Тэд төдий чинээ зовдог. Амьтан-хүмүүс хэр зовно, эсвэл бусад төрөлтөн хэр зовно, Тэд төдий чинээ зовдог. Зүрх нь зүгээр л шаналж байдаг. Заримдаа тэвчихийн аргагүй. Тиймээс Тэд зүгээр үл тоож чаддаггүй.

Таны хамгийн их халамжилдаг хүн бол та өөрөө, тийм биз? Тиймээс хэрэв та өвдвөл эдгэнэ гэж найдаад эм ууна, эсвэл эмчид очно. Үүнтэй адил Их Багш Өөрийн зовлонг анагаах арга замыг олох ёстой. Дэлхий дээрх бусдын зовлонг зогсоохыг хичээснээр Тэрхүү Их Багшийн зовлон эдгэрнэ. Учир нь Тэд яг л БУРХАНТАЙ Нэг байдагтай адил энэ гараг дээрх бүх төрөлтөнтэй нэгэн цогц юм. Тэдэнд бүх Адис, Хүч бий бөгөөд Тэд үүнийг дэлхийн төрөлтнүүдийн зовлонг зогсооход ашиглахыг хичээдэг. Ингэснээр Тэдний Өөрсдийнх нь зовлон ч зогсож, эсвэл багасдаг.

Та нар энэ бүхний талаар аль хэдийн ихийг мэднэ. Би зүгээр л та нарт сануулж, дотроо байгаа бүх логик, бүх мэргэн ухаан, бүх мэдлэг, бүх сайн чанарыг сэрж санан, тэдгээрийг ашиглаасай гэж найдаж байна. Одоо Хэмжээлшгүй Хүч, Хайртай Нэг болсон Эргэн Нэгдсэн Гурвал бид бүгдийг зөв зүйтэй хайр дүүрэн, сайн хүмүүс болгож адислан, эцэст нь аль болох хурдан ихээр гэгээрүүлж, гэгээнтэн, Будда болгон, Гэрт маань, энэ Дэлхий дээрх гэр гэж нэрлэдэг энэ хуурмаг бүрхүүл, шорон биш, харин жинхэнэ Гэрт маань хүргэж туслах болтугай. Амен. Та бүхэн бүгд сайн сайхан байж, үтэр түргэн гэгээрэх болтугай. Амен. Та бүхэндээ хайртай шүү. Та бүхнийг маш их, маш ихээр, өөрийгөө хайрладгаас ч илүү их хайрлан, хайрлан, хайрладаг шүү.

Photo Caption: “Хоёр ба Түүнээс Олон Хүн Миний Нэрээр Суувал Би Тэдэнтэй Байх Болно”

Зураг татаж авах