Дэлхийд энх тайван тогтлоо: цаашид хадгалахын тулд бясалгаарай, лекцийн 2-ын 2-р хэсгийг

Тиймээс энэ удаад энэ үнэхээр бүтэж, Дэлхийн Энх Тайван үнэхээр ирж, ядаж л хүмүүс маргаашаас айх юмгүй амьдралаа үргэлжлүүлэх боломжтой болоосой гэж найдаж байна. Ядаж л хүүхдүүд аюулгүй гэдгээ мэдрэн, сургуульдаа явж, гэртээ эсэн мэнд буцаж ирнэ гэдгээ мэддэг байгаасай. Ядаж та нар, надад итгэгчид, мөн би өөрөө ч амар амгалан байх юм сан. Энэ бүх мунхаг хэрцгийлэл дунд хүн төрөлхтний зовлонгийн төлөө бид өдөр бүр уйлах шаардлагагүй болно. Ядаж та бид өвдөг сөхрөн БУРХАНД талархахад л болно. Өөр юуны ч төлөө уйлахгүй, Дэлхийн Энх Тайвны төлөө хамгийн ядуу гуйлгачин шиг гуйж мөргөхгүй, зүрх маань цусаар уйлахгүй болно. Тэгээд бид БУРХАН бид бүгдэд өгсөн нэгэн гараг дээр амьдарч буй сул дорой, хамгаалалтгүй төрөлтнүүдэд хүн төрөлхтөн сэтгэлгүй, мунхаг хэрцгий хандаж буй зовлон шаналлынх нь дүр зургийг харж ч зүрхлэхээргүй тэгтлээ их зовж буй хөөрхий гэмгүй амьтан-хүмүүсийн төлөө, Дэлхий Веган болохын төлөө л илүү их залбирна.

За, яах вэ, би одоо тайвширч, МАПА, Энх тайвны Хаан хоёртой яриагаа үргэлжлүүлье. Украин (Урейн), Орос хоёр энхийн гэрээ хийх болно. Надад ингэж хэлсэн. Би буруу сонсоогүй байгаасай. Үүний дараа Орос Украин (Урейн)-аас гарахаар бэлтгэнэ. Орос долоо хоногийн дотор, ерөнхийдөө тийм хугацаанд Украин (Урейн)-аас гарч эхэлнэ.

Энэ миний төсөөлөл шиг, үлгэр шиг зүйл биш байгаасай гэж найдаж байна. Учир нь олон сарын турш, бүр өнгөрсөн жилээс хойш надад “Санаа бүү зов, энх тайван ирнэ. Бүү ай, энх тайван ирнэ.” гэх зэрэг айлдваруудыг байнга, олонтоо, давтан, бараг тасралтгүй “илгээж” байсан. Бүтэж байгаа нь харагдахгүй байсан тул би бачимдаж, хяналтаа алдах шахсан. Тэр үед би юу ч олж хараагүй. Надад юу ч харахыг зөвшөөрөөгүй. Би сохор, дүлий, хэлгүй хүн шиг л ажиллах ёстой байсан. Би зүгээр л ажиллах ёстой байв. Юу тохиолдохыг огт мэдэхгүй байх нь бүх зүйлийг тэсвэрлэхэд маш хэцүү болгож байлаа. Сөрөг хүч намайг харанхуйд ажиллуулж, ажлаа үргэлжлүүлэх эсэхийг минь үнэхээр шалгахыг хүссэн. Дараа нь Мара Хаан надад тэгж хэлсэн, сүнс нь адислагдах болтугай. Тиймээс энэ үнэхээр биелээсэй гэж найдаж байна.

Мөн та нар интернэтээс Баба Вангагийн зөгнөл, эсвэл энэ жил цөмийн дайн, бүр олон улсын дайн, дэлхийн дайн болно гэх мэт бусад олон зөгнөлийн тухай бүх мэдээг уншсан бол мэднэ. Тэд толгойг тань тасралтгүй бөмбөгдөж, үнэхээр найдваргүй мэт санагдуулдаг.

Мишель де Нострдамус. 1555 онд тэрээр “Зөгнөлүүд”-ээ хэвлүүлжээ. Тэрээр нууцлаг байдлаар бичдэг байв. Үнэнийг шашны харгис эрүү шүүлтээс нуухын тулд тэрээр дөрвөн мөрт кодоор бичдэг байжээ. Харин өнөөдөр тэдгээр кодууд тайлагдаж байна. Тэд газрын зураг дээрх нэг цэг рүү зааж байна. Тэдгээр нь яг энэ мөч рүү зааж байна. Дөрвөн мөртүүдэд “улаан дайсан” гэж дурдсан байдаг. Олон арван жилийн турш бид үүнийг Зөвлөлт Холбоот Улс гэж бодож байлаа. Дараа нь бид Хятад гэж бодсон. Гэвч өнөөдрийн газрын зургийг хар даа. Төрийн далбаануудыг хар. Дорноос мандаж буй хувьсгалын галыг хар. Тэрхүү улаан дайсан айдаст автан цонхийжээ. Тэнгисийн цэргийн тулаан эхлэв. Нострадамус “агуу флотын тэргүүн”-ий тухай өгүүлсэн байдаг. Тэр нэг газрыг нэрлэсэн: Кармания. Энэ бол эртний нэр, цаг хугацаанд мартагдсан нэр. Гэхдээ газрын зураг бүтээгчид үүнийг мэднэ. Кармания бол Ираны өмнөд эрэг юм. Тэр тэдгээр эргээс нэгэн командлагч гарч ирэхийг харсан. Тэрээр шөнө дөлөөр хөдөлж буй флотыг харсан. “Зөгийн их сүрэг босно.” Энэ бол түүний үг юм. 1555 онд машин байгаагүй. Робот ч байгаагүй. Харин дроны сүрэг радарын дэлгэц дээр ямар харагддаг вэ? Амиа золиослогч дронуудын бөөгнөрөл агаарыг зүсэн исгэрэхэд ямар сонсогддог вэ? Зөгийн сүрэг, шөнийн гэнэтийн довтолгоо. Зөгнөлд дэлхий асар их гай зовлонд автана гэж өгүүлсэн байдаг. Нострадамус долоон сарын их дайны тухай бичжээ. Долоон сар үргэлжилсэн гал. Улаан буудайн үнэ тэнгэрт хадаж, хүн хүнээ идэхэд хүрэх долоон сар. Зах зээлийг хар. Үр тарианы агуулахуудыг хар. 2026 оны мөргөлдөөн худалдааны замуудыг боомилсон. Ормузын хоолой төмрийн булш болжээ. Энэ зөгнөл зөвхөн сумны тухай биш. Энэ бол өлсгөлөнгийн тухай юм.

Иран, АНУ-ын хооронд үргэлжилсэн хурцадмал байдлын дунд. Газар дээрх хурцадмал байдал нэмэгдэхийн хэрээр олон хүн ирээдүйд юу тохиож болохыг таахын тулд эртний зөгнөлүүд рүү хандаж байна. Израил, АНУ хамтарсан довтолгоо эхлүүлсний дараа Ойрх Дорнод шатаж байна. Тегеран хариу цохилт хийж, АНЭУ (Арабын Нэгдсэн Эмирт Улс), Бахрейн, Саудын Араб, Катарт цохилт өглөө. Сүүлийн энэхүү мөргөлдөөн Дэлхийн III дайны эхлэл байж магадгүй гэсэн айдсыг дахин сэргээв. Болгарын зөнч Баба Ванга 2026 онд дэлхийн дайн гарч болзошгүйг анхааруулсан гэх мэдээлэл бий. Сохор зөнч эмэгтэй зүүдэндээ үзэгдэл хардаг байсан нь түүнд хамааруулдаг зөгнөлүүдийн үндэс болсон билээ. Тэдгээрийн нэг нь Дорнодоос эхэлж Өрнөд рүү тархах дайны тухай гэж үздэг. Ойрх Дорнод томоохон мөргөлдөөний атгад байна. Цаашид илүү их үймээн самуун гарч магадгүй. Иран, Израил, АНУ мөргөлдөөнд түгжигдсэн энэ үед хүмүүс Баба Вангагийн зөгнөл биелж эхэлж байгаа эсэхийг өөрийн эрхгүй бодож байна.

Гэвч энх тайван ирж байгаад бид БУРХАНД хязгааргүй, бүр цаглашгүй, хэлж барамгүй, хэмжээлшгүй ихээр талархаж байна. Наанадаж одоо Иран, Израилын хооронд энх тайван тогтлоо. БУРХАНЫ Ивээл дор, бидний Эцэг Эх МАПА болон бүх Диваажингийн Төрөлтний Нигүүлслээр, өнгөрсөн, одоо, ирээдүйн хамаг Гэгээнтэн, Мэргэдийн бүхий л ивээл, адис, буянаар үүнийг биелүүлэхэд ихэд хичээн тусалсан Ерөнхийлөгч Трамп болон америкчуудад бид талархаж байна. Бид өвдөг сөхрөн, толгойгоо ч газарт хүргэн, Тэд бүгдэд талархаж байна. МАПА, Танд болон Таны бүх төлөөлөгчдөд, Таны бүх үнэнч итгэгчдэд, Таныг шүтэгчид, Таныг хайрлагчид, Таныг магтагчид, Таны даруу үнэнч зарц нарт бид дахин, бас дахин дахин, хязгааргүй ихээр талархаж байна. Хүн төрөлхтөн болон энэ гарагийн амьтай бүхний нэрийн өмнөөс бид та бүгдэд талархаж байна, Та бүгдэд талархал өргөе.

Гэрээний нэг хэсэгт оросууд гэртээ аюулгүй харихаар тохиролцсон. Та нартай ярих зуур энэ надад үлгэр мэт л санагдаж байлаа. Гэсэн ч итгэл найдвараа хадгалахын тулд бид үүнд итгэж болно. Алдах юм байхгүй шүү дээ. Аюулгүй ирээдүйн, амар амгалан ирээдүйн энэ бүх дүр зураг бидний тархинд, бодолд сууж, ядаж л бид ийм эерэг зүйлтэй амьдрах болно. Тоолшгүй олон хүний энэ бүх эерэг бодол бас сөрөг талыг эсэргүүцэн, манай дэлхийг, хүн төрөлхтнийг устгах гэж; нэг нэгнээ хайрлан хүндэлдэг маягийн амьдралыг, Бурханд итгэх итгэлийг маань, амьдрал үргэлжлэхэд хэрэгтэй эерэг үзэсгэлэнтэй бүхнийг устгахыг хичээж байгаа тэр сөрөг талыг эсэргүүцэх үнэхээрийн гайхалтай энергийг бий болгоно. Ядаж л бид өөрсдөө үүнд найдаж, БУРХАНЫ Ивээлээр үүнийг гүйцэлдүүлэхэд оролцсон бүгдэд талархъя.

Би үүнийг та бүхэнд, ядаж л өөрсдөдөө, БУРХАНЫ бүх шавь нарт, надад итгэдэг хүмүүст зориулан гаргая гэж бодлоо. Дэлхий бидний итгэж явдаг зүйлд итгэхгүй байж болох ч бид өөрсдөө бодож явах сайн зүйлтэй байх болно. Хэрэв бүтвэл бидэнд сайн. Болохгүй бол яалтай билээ? Магадгүй бид өөрсдийнхөө хэрэгт л анхаарч, өдөр бүр Диваажин руу явчхаад эргэн ирж, эгэл амьдралын ажил үйлсээ хийн, Гэртээ харих цагаа хүлээж болно. Тийм шүү. Тэгээд Эзэн Есүсийн хэлснээр “Үхдэл нь үхдэлээ оршуулаг.”

Украин (Урейн)-ы бүх дүрвэгч гэртээ аюулгүй харьж, эвдэрч сүйдсэн гэр орон, хот тосгоноо буцааж сэргээн, хайртай хүмүүстэйгээ эргээд хамт байх боломжтой. Магадгүй бие махбод, сэтгэл зүрх нь шархдаж, шархалсан цэргүүд эдгэрч амжина. БУРХАНЫГ магтан дуулъя. Украин (Урейн)-чууд та нарт бид хайртай шүү. Оросуудад ч бид хайртай. Энэ бол та нарын буруу биш. Та нарын хэн ч үүнийг хүсээгүй. Энэ бол удирдагчдын алдаа, танай зарим бүлэг хүмүүсийн, улс орноос тань урвасан хүмүүсийн гомдол, хов живийг сонссон удирдагчдын алдаа. Тэдгээр хүмүүс энэ бүхнийг зөвхөн нэр алдар, ашиг хонжооны төлөө хийж байгаа юм. Тэднийг дэндүү харанхуй мунхаг байгаад нь уучлаарай. Бусдад үйлдсэн үйл бүр нь өөрсдөд нь хэдэн мянга дахин үржигдэн шууд, эсвэл дараа нь энэ дэлхийд, эсвэл тамд ирнэ гэдгийг тэд мэддэггүй. Орос, Украин (Урейн)-ы сайн хүмүүс одоогоос эхлэн хамгаалагдаж, амар тайван амьдрах болно.

Орос болон Украин (Урейн)-д ахиад олон нарийн ширийн зүйл зохицуулагдаж, биеллээ олох болно. Гэхдээ яг одоо надад МАПА илүү юм хэлэхгүй байна. Энх тайвны Хаан ч надад өөр илүү зүйл мэдээлэхгүй байна. Юу болохыг хараад хүлээе. Ираны дараа үнэхээр Дэлхийд Энх тайван тогтох эсэхийг харж хүлээж байя.

Ер нь бол юмсыг болохоос нь урьтаад хэлэх учиргүй тул би энэ удаад эрсдэл гарган хэллээ. Учир нь сөрөг тал миний ажилд саад хийх гэж, худал хэлдэг гэж харуулахын төлөө хамаг чадлаараа хичээдэг. Гэхдээ би тоохоо больсон. Би нуугдаж, бас та нараас олон зүйл нуухаас залхаж байна. Хэдхэн цаг эерэг зүйл бодоход ямар ч гэмгүй. Юу л болбол болог. Үүнийг эхлээд та нарт зориулан орчуулгагүй гаргаж болох юм. Тэгээд дараа нь орчуулга дээрээ ажиллаж болно. Хайртай шүү. Баярлалаа. Ажлын багийнхандаа баярлалаа. БУРХАН та нарыг маш их адислаг. Миний залуус үнэхээр их буян хурааж байна. БУРХАН бид бүхнийг хайрласаар, алдаа бүхэнтэй маань, асуудал, мунхаглалтай маань хамгаалсаар байх болтугай. БУРХАН биднийг адислаг. БУРХАН дэлхийн энх тайвныг адислаг. Амен.

Photo Caption: “Өндөр Гэгээрсэн ИХ БАГШААС Ашиг хүртэх нь Агуу Байдлын дөнгөж эхлэл нь!”

Зураг татаж авах